السبت، 25 يوليو 2015

Unknown

اصرف على حملتك الاعلانية مرتين واكسب عميل يشترى منك مدى الحياه .

Unknown بتاريخ



اصرف على حملتك الاعلانية مرتين واكسب عميل يشترى منك مدى الحياه .
يعنى ايه الكلام ده 🙄 . البوست ده طويل شويه بس هينفك كتير ان ان شاء الله 👌 نروح للمهم .
دلوقتى هنفترض انك حاطط budget اعلان لحاجه معينه 100$ ، الخطوات العادية هتكون حاجه من اتنين .
1-هنعمل اعلان للصفحة ب 100$ وبكده هنجيب عدد لايكات كبير جدا .
2- هنعمل اعلان لبوست جوه الصفحة وبكده هنجيب تفاعل كبير جدا .
طيب النتائج احب اقولك انك كدا رميت فلوسك على الارض لان الحالتين انت وصلت فيهم لنتائج غير اللى المفروض توصلها 😢 . يعنى ايه طيب 🤔
يعنى اول حاله انت وصلت لاكبر عدد من الناس على صفحتك بس دول كأنهم مش موجودين لانك مش هتلاقى منهم 5% تفاعل اكيد فى ناس جربت 😭
تانى حاله انت وصلت لاكبر تفاعل عالمنشور بس الناس اللى عملت لايك للصفحه منهم جزء صغير . يعنى العميل ده جالك مره ومشى ومش هتشوفه تانى ، ايموشن زعلان تانى اهو 😭
طيب ايه الصح ، عاوزين نكسب بقا🤑 😃😃 .
طيب ركز 😲
احنا برضو عندنا حالتين
1-انت بتبيع من صفحتك مباشر
2-انت عاوز ترافيك لموقعك
الحاله الاولى انت هتقسم ال budget ده 40% و 60%
اول 40% دول هتعمل بيهم اعلان تفاعل يفضل يكون فيديو لانه ارخص وبيوصل لجمهور اكبر 👌 كدا انت ب 40% وصلت لاكبر عدد من الناس تقدر تتفاعل مع المنشور بتاعك 💪 طيب وال 60% لاء دول انت مش هتحوشهم دول هتعمل بيهم بيهم اعلان لايكات للصفحة من خلال استخدام الجمهور اللى اتفاعل مع البوست . كدا انت استفادت بحاجتين اولا الجمهور اللى عمل لايك لصفحتك ده مستهدف فى مجالك . ثانيا الجمهور ده فيه طبع التفاعل حاجه حلوة كدا ناس تعملك لايكات وكومنتات على بوستاتك من غير ما تعملها اعلان مش صفحتك يبقى فيها مليون والبوست بتاعك جايب 20 لايك 😉 .
الحاله التانية بقا : انا عندى موقع ولمؤاخذه الفلوس اللى هدفعها عاوز الناس تفضل رايحه جايه على موقعى 😂😂
طيب ياعم حقك انت بتدفع فلوس برضو .
المرادى بقا انت هتعكس هتقسم ال budget ل 60% و 40% طيب ليه . ده بس علشان انت هتعمل اعلان Clicks to website وده هيبقى اغلى شويه بس .
اول حاجه هتروح على مدير اعلاناتك ومنه تروح عالبيكسل تقوله هات الكود وتقوم حاطه فى موقعك 🤗 . وبعدين تبدأ بقا
اول 60% دول هتعمل اعلان لمقال كويس على موقعك بصورة كويسه تضمن انه يجيب تفاعل والناس تروح لموقعك يقوم الحاج بيكسل حافظلك الجمهور ده علشان تستخدمه بعد كدا ولما فلوسك تخلص اللى هما 60% يعنى هتدخل عالمرحله التانيه
اعلان لايكات برضو 🙄 اه ماهى الناس اللى راحت على موقعى دى قاعدين فاضيين وبيدوسوا على لينكات المواقع دول ويقعدوا يقروا فيها 😃 وانا بصراحه بحب كدا 😂😂 الناس دى بقا ياعم انا عاوزهم يعملوا لايك لصفحتى علشان كل ما انزلهم بوست يدخلوا يقروا اللى جواه 💪👌
كدا انت تمام اوى تعالى بقى شوف النتائج
عميل دائم ، متفاعل ، بيشترى حتى لو مش بتبيع زيارته لموقعك فلوس .
كل اللى فات ده مش هينفع لوحده فى نقط كتير متكلمتش فيها زى الاستهداف والمحتوى والتفاعل مع العميل كل دى حاجات لازم تاخد بالك منهم . المهم تكون وصلتلكم فكرة

no image
تقييمات المشاركة : اصرف على حملتك الاعلانية مرتين واكسب عميل يشترى منك مدى الحياه . 9 على 10 مرتكز على 10 ratings. 9 تقييمات القراء.

مواضيع قد تهمك