توجيهات مهمة لمسيرة ناجة في التكوين المهني
شحال من واحد كايحكر معاهد ISTA ، و لكن ماعارفينش بلي المغرب غادي فواحد الإتجاه ديال تشجيع المقاولات و تشجيع المهنيين سواء التقنيين أو التقنيين المتخصصين
و شحال من واحد ماعارفش بلي بديبلوم ديال التكوين المهني تقدر تمشي بعيد تضمن مستقبل زوين و لكن فقط إلى كنتي محب للمجال لي نتا ختاريتيه و مبدع فيه
غانحاول نعطيكم توجيهات و نصائح مهمة فهاد السياق بخصوص الدراسة بالتكوين المهني
1 : ماتبقاوش تنساو الطابلية راه ضرورية ظرورية 100%
2 : خاطيكم من ديك العياقة و الشغب ديال الليسي حيث هضرة جوج غادي ايجريو علي و تصدق ضيعتي عام
3 : نتا سميتك "stagaire" ماشي étudient
4 : هاداك اللي كيقريك سميتو "formateur" ماشي prof
5 : داكشي اللي كتقرا سميتو les modules ماشي المواد و تقدر تقرا كثر من module واحد عند نفس formateur
ب6 : les modules عندهم وقت محدد خاص formateur إسالي فيها ... يعني إلا مفهمتيش ضربك التران formateur مغاديش ارجع اشرح ليك شوف ليك شي يفهمك من المتدربين لي معاك
7 : غادي تلقا شي formateur لا علاقة له ب module و معندوش خبرة في التدريس نتا خاصك تقاتل باش تفهم حيث داكشي كامل غادي دوز فيه les examen de passage
8 : عندكم ثلاثة أنواع من الامتحانات فالعام الأول و هم كالتالي :
- الاول : Contrôle عادي اقدر احسبو formteur إقدر لا هو و كانتو مهم نتا خاصك تجيب فيه النقطة
-الثاني : EFM )examen de fin de module )هذا مهم مهم هو باش كيحسبو النقطة ديال القسم داير بحال الفرض غي هو كديروه ملي غادي تساليو le Module
- الثالث : examen de passage هو الأهم داير بحال الوطني اللي دوزتو ف الباك عليه 75% من نسبة النجاح يعني هو اللي كيتحكم ف النجاح و السقوط ديالك غي هو غادي دوز فيه كااااااااااع les Modules كاااملين ... م
9 : إلا مفهمتيش شي حاجة سير ل youtube راه فيه كولشي خصوصا تخصص TSGE و TCE
10 : إياكم و الغياب ... #الغياب ممنوع راه غادي اخرج عليك راه ماشي بحاال دوك الهبال ديال الليسي .. حيث أصلا نتوما كتسماو les stagiaires يعني متدربين بحال إلا نتوما ف شي شركة كتسطاجيو يعني حاااول ما أمكن متغيبش اكثر من 15 ساعة ف العام .
13 : زير راسك حيث إلا منجحتيش ايجريو عليك ولا إبدلو ليك الشعبة خصوصا ناس ديال TSGE ولا TCE أو CDTTP حيث الشعبتين مطلوبين بزااف
14 : حتارم قدماء المحاربين سواء الناس ديال 2emme année ولا الناس ديال 1er année اللي سقطو راه اللي فاتك ب ليلة فاتك ب حيلة ... ثبت وخلي عليك التبرهيش ديال الليسي .
15 : حافظ على علاقة زوينة سواء مع الأساتذة أو الإدارة ، لأنهم هوما لي فيدهم كلشي ، التكوين المهني ماشي بحال الجامعة أو الليسي ، مكايناش شي هيئة لي تقدر تلتاجئ ليها فحالة وقع ليك معاهم مشاكيل
بارطاجي هاد التوجيهات باش يستافد غيرك واخا ماتكونش كاتقرا نتا فالتكوين
