رأس المال الذي سوف تحتاحه في انشاء متجرك على شوبيفاي

سؤال مستحيل تجاوب عليه .. لانه بحال الا كنتي كا تجاوبو على عدد الحملات اللي خاصو يطلق باش يجيب المبيعة الاولى ...

ممكن تدير سطور ب 60 يوم فري ترايل وتجيب ترافيك فري وخدم حتى سبعين عام على خاطرك حتى يجيك المبيعة ..
ويمكن تصاوب 17 سطور كل واحد ب نتش وتجرب 3 بروداكت في الأسبوع في كل بروداكت ب 10 ديال الادستس الواحد كل واحدة بعشرة دولار ... ديرو نتوما الحساب..
غالبا في الحالة الثانية غادي تعرف النتشات شوية قبل من مول فري ترافيك 😂😂😂
الخلاصة : بحال مشروع تعليف الضفادع، يمكن ليك تشري كونطونير ديال الجران وتعلفهم سيكاليم ويمكن تشد ميكة كحلة وتصيد الشراغيف من الضاية اللي حدا داركم...

الحاجة الثانية : هو المسالة فيها شوية ديال العشوائية
العشوائية هنا بمفهومها العلمي في علم الإحصاء (قرا بنيامي تشبتشف) واستعملت هاد الكلمة حيث ما كانستعملش كلمة حظ في حياتي ... المهم الكلمة الأدق يمكن هي التغير العشوائي
للمزيد من التوضيح اذا افترضنا انه في كل ثانية هناك منتوج رابح اذا بينتيه للناس اللي يبغيوه... فإنك قدما جربتي اكثر قدما فرصتك كا تكون اكبر ...ولكن هنا كاين واحد الحاجة سميتها الانحياز (قرا في ويكيبديا على الانحياز المعياري)
يعني اذا كان في المعدل خاص مثلا (غير مثلا) الناس كايجربو 10 باش ينجحوا في إيجاد بروداكت رابح، يمكن تلقاه انت من 7 ولا 17...

حاجة اخرى : كاين المؤهلات والذكاء يعني اذا كنتي قاقز وقاري شوية مثلا ديال الانجليزية يمكن انك تلقى قبل من واحد اللي طنgوع
والطنgوع هو كائن عندو جميع صفات البشرية يعني بنادم من لحم ودم ولكنه في نفس الوقت تجتمع فيه صفات التطنگ والصگوعية

باختصار وهذا رأي اعتمادا على شنو قريت كاين اللي مثلا خسر حتى ل 9000 دولار على حسب قوله منقولا من مصادر انا كانتيق فيها قبل ما يبدأ يربح، انا شخصيا وصلت ناقص 14k لانه حتى مني كان عندي بروداكت كايدير 100 دولار في النهار كنت تانجرب 2 بروداكت في النهار وكانخسر كثر منها..
حيث الهدف ديالي ماشي هو نربح 100 دولار في النهار ما تنغمنيش...
انت والاهداف ديالك