هو مجموع الصفحات اللي كايدوز منها الهدف (المشتري) قبل ما يوصل الشراء اللي هو الهدف في شوبيفي ...كانسميوه بهذا الاسم لان عدد الناس غادي وكاينقص : عدد الناس اللي شافوا الاعلان اكبر من الناس اللي تفاعلوا اكبر من الناس اللي داروا ATC اكبر من الناس اللي دخلوا المعلومات ديالهم اكبر من المشترين...وهكذا... هنا كاينين 2 ديال الأهداف : اولا نقصوا من الخسارة ديال المهتمين من مرحلة لمرحلة وثانيا واش نقدروا تستفيدوا حتى من هادوك اللي مشاو في المستقبل ... تكلمنا في الاول على المرحلة الاولى هي الاعلان : خاصنا نديروا اعلان مثير .. وكنت اقترحت على المبتدئين بحالي انهم ينقلوا من صفحات منافسة عن طريق استعمال أدوات التجسس (المهم شوفوا البوسطات السابقة عن طريق الضغط على الهاجتاغ).. المرحلة الثانية تقييم الاعلان في اليوم الاول يتم عن طريق تحليل النقرات (clics) غادي نزيد نتكلم على كيفاش انا كاندير حيث جاوني بزاف الاستفسارات حول هذا الموضوع ... انا كانقوم اولا بالبحث على الاستهدافات في هذه المرحلة نجمع اكبر عدد ممكن من الاستهدافات يمكن 30 او 40 ... اشنو لازم فيها : اولا الصفحة المستهدفة انت تعتقد أن الناس اللي فيها مهتمين بالمجال اللي انت مستهدفه ... ضروري تفتح ديك الصفحة وتقرا التعليقات وتشوف mindset ديال دوك الناس شوية ضروري تشوف واش باقية حية يعني فيها وبوسطات جديدة... ضروري تشوف كمية التفاعل مع الصفحة يعني صفحة كبيرة وفيها ناس يالله البوسط كايدير 10 likes. انا نبعد منها حيث غالبا الناس اللي فيها fake او ماشي مهتمين 100%... المهم من بعد ترتب هاد الصفحات على حساب انت شنو بان ليك الاحسن من حيث الموضوع قريب لداكشي اللي بغيتي وثانيا متفاعلة ... وترتبهم من واحد ل30 او أربعين ... غادي من بعد تدير الاعلان وتشوف شحال من ادست بغيتي تدير ... وتبدا بالصفحات الاولى ... في الترتيب ... مثلا 5-10-15 اللي قدرتي عليه ... بالطبع اللي عندو ميزانية كبيرة حظوظه في القوز اكبر .. بحال ريال مدريد اذا لعبات مع شباب بلوزداد 😂😂😂 الاعلان احرص يكون فيديو من الاحسن واذا ما لقيتيش دير على الاقل slideshow بالموسيقى..غادي يعاوننا في. Retargetting واذا كانت صورة, يعني ما لقيتش فيديو وبغيت ندير صورة، اثبتث الدراسات ان الصور اللي فيها بنادم مثيرة اكثر من الصور اللي فيها غير شي منتوج... واذا كان الوجه باين أحسن .. ولكن رد البال مع copyright ... هذا موضوع اخر... كيفاش غادي تعرف دابا واش داكشي اللي درتي مزيان ... من بعد ما الادست توصل ل 500 ف reach ... الفايسبوك كايعطيك .. Relevance score ... هذا تشوفو في report ما كايبانش في الادست كايبان غير في ads ... هذا رقم من 1-10 قد ما كان كبير قد ما كان زوين 😂😂 يعني، 10-9-8 راك عالم الاعلان ديالك مزيان والاستهداف مزيان ... كايبقى واش كيشريو هذا كلام آخر ... 6-7 تقدر تصبر عليه فقط اذا كان cpc صغير ... غادي من بعد نوريكم كيفاش تحكم على cpc.. بطريقة رياضية علمية معملية فذة... اقل من ذلك اما غير الاعلان او غير الاستهداف ... على فكرة حتى الفايسبوك ديالك كايولي في خطر اذا كان ديما relevance score ديالك عيان ... وصدق اولا تصدق قدما كان relevance score مزيان كايتقام عليك الإعلان أرخص... علاش حيث في auction بنفس الثمن كايربح اللي عندو أحسن relevance score ... كيفاش غادي تحكموا على cpc : هذا مربط الفرس.. اقسم بالله تشوف الناس اللي كاترمي الفلوس حيث لا تحلل هذا المؤشر يتزعزع ليك خاطرك... بعملية حسابية بسيطة نضع Cv = number of conversion per 100 store visits Cpcv = cost per content view Mg = margin per conversion يجب لكي تصل الى التعادل )break even ان يكون : Cv = cpcv*100/margin اقسم بالله انشوف الدراري مايبارطاجيو سكرين فيه مثلا: Cpcv : 0,9$ Margin : 4$ بتطبيق القاعدة : Cv = 0,9*100/4= 22,5 يعني هذا المنتوج خاصو 22,5% ديال الكنفرجن باش يكون تعادل ... شحال خاضوا باش يربح هنا جوج نصائح : داكشي ديال 5$ ,10$ بعدو منوا خدمو مزيان ولا شوفوا شي حرفة اخرى ... من غير اذا كنتي لاقي cpc =0,03 ولا شي لعيبة هكذا... ثانيا مني تشوف شي حاجة بحال هكذا في الاول واخا تكون دازت غير6h قتل ماتحنش... وهز انترست خرا من داك الأربعين اللي درنا الفوق ... وجربها... صافي هذه المرحلة من funnel سالينا معاها بهاد المعادلة ... اذا كان relevance score مضعضع او cpc طالع ... رَاه المشكل عندك من هاد الجيه... يعني الخدمة عندك في الادز ، تاركيتينغ ، يمكن البروداكت ما هواش ولا مات ولا ... ولا... شوف ليك شي بروداكت اخر في شي نيش مزيانة ... تسمين الضفادع رآها خدامة مزيان دابة... يعني هنا الدواز كايسيل من الفوق.. واذا كان العكس كليك على الجهد والcpc طايح ... رَاه المشكل من لهيه...من التحت ... ولكن هذه قصة اخرى... وكيفية الاستفادة من الناس اللي شافو الاعلان حتى هي قصة بوحدها...يعني واخا سال الدواز كاين واحد السطل لتحت باش داكشي ترجعوا ليه والله اوباما ما عندو غروب بحال أجي تفهم
