مكينينيش مقدمات بما أنني بدلت لمجموعة لي كنت كنشرح فيها سمعني مزيان وباش تفهم حتا تغيير كيفاش كتخلقو فحياتك ودير الضروري والمستعجل ! هنا كنوقفوا عندو مشكل على مستوى العمل مزال ملقيتيش الطريق مناسبة لي من خلالها يولي عندك دخل قار ومحترم ! 70% تلقائيا العقل باطني ديالو غادي يقول اه وبتشوق أول خطوة نظم محيط فين كتستقر و خضع لتركيز بضع دقائق وحط قدامك شنو هومة لكفائات لي عندك سمعني متبقاش تكتب شي حاجة نتا معرفهاش ولا غادي تقول غادي نتعلمها حط ورقة وستيلو دوز فورماسيون فيها وتعلم ومن بعد أجي كتبها متمشيش لمجالات كبار عليك وتغرييك لفلوس كون حتا نتا قد داك مجال عرفتي ميولات ديالك حاول تشوف شنو هوة مجال الأقرب لموافقتا مع داكشي ليكتعرف دير قبل متنود طبق عفاك بحث مزيان ونسى عليك لفلوس لي غادي تربح قسمن بالله إلى مدة 6 أشهر كنقرا على سينما وتصوير وإخراج بصفة عامة باش نكون مؤهل لوحد المشروع منقدش نمشي نبدا وأنا فقير معرفيا عندك مع انجليزية ولكتابة وجد موقع مزيان بقالب إحترافي وإستضافة وبدا تكتب مقالات فلمستوى على أبرز الأحداث في اي مجال داير Buzz عندك مواقع مجانية بدون حقوق تحمل منها صور متكتبتش على اي خبر خاسك تساير عالم وشنو واقع وتكون محترف وعندك النفس طويل فلكتابة ولا ستعن بشي صديق ممكن تبني معاه هاد مشروع توافقا على رغبتكم في نجاح قرا مزيان على Seo وكيفاش تحتل محركات البحث خلاصة كون كتشوف أمور مكتبانش ليك عام هادا حاولو تقفز من مكان لي نتا فيه كاملين ملي كنجتازوو سنة دراسية بعد أعوام كيجينا مقرر ساهل تماما الأمر معقد أولا ولكن عفاك متخليش نفسيتك تخضع لعدم الاستطاعة ماشي مشكل تخطأ ولا تبان معارفش ماشي عيب أخوية كنهضر معاك بحال خوك خودها من عندي تصالح مع راسك حتا واحد مزاد معلم ،عندك ميولات فغرافيك وبغيتي تعمل فريسكين ممكن غادي تستغرق وقت باش تعلم أنا كنقوليك بحال فترة مرض كتكون كتألم ولكن عارف إن شاء آلله الألم غادي يمشي كيبقا ينقس شوية شوية ماشي فدقة هاد مجال شرحوه مجموعة من إخوان مبقا فيه ميتخبا بهاد عبارة يوتيب كولو شروحات ولايفات ديال دراري من دول عربية مختلفة آلله يعطيهم صحة كيبقى عندك مشكل فربط وثقة وحفاظ على نفسية الايجابية و الإستمرار، كنت كتنمى تكون مسوق كبير دوك ناس دازت من مراحل قلبات وجربات طرق الاستهذاف وتواصل المراسلة عبر الإيمال ليست حملة على فيسبوك أدس كتابة مقالات لها صلة بمنتوج دراسة عقلية الزبون والفئة العمرية المستهدفة حاول تمشي على قد إمكانيات ديالك باش متحسش بلفشل خلال تجربة الأولى ليكاتعطيك تيق براسك مدام نتا حي قادر تبدل مسيرة ديالك من دابة بيتي كنت كنمارس فيها واحد طقوس ديال ثقة كنهضر مع واحد صورة معلقها عندي فلبيت بصوت وبنبرة حادة دافع على حلمك وألم رآه كيمشي من بعد مكيضرك واحد مدة فلوقت ليكون ألم عرف بلي نتا راك قوى منو بكثير وراك متزاديتيش عبثا وبأي فكرة تبدل حياتك انت أقوى مماتتصور .
